Kthehen në pozitën e katërt

Arsenal ka arritur të mposht West Ham Unitedin në derbin e Londrës të zhvilluar në Emirates 3-1. 

Përkundër se mysafirët kanë qenë të parët që kanë arritur epërsinë në ndeshje, djelmoshat e Arsene Wengerit nuk janë dëshpëruar dhe kanë vazhduar luftën - së pari duke arritur barazimin e pastaj edhe golat e fitores. 

Sulmuesi gjerman, Lukas Podolski ka qenë i disponuar sonte, duke shënuar dy herë në fitoren e ekipit të tij. 

Kim Kallstrom, transferi i fundit i këtij stinori për Arsenalin, ka zhvilluar ndeshjen e parë të tij nga minuta e parë, pas lëndimit, derisa edhe goli i shënuar nga Olivier Giroud ka qenë i mirëseardhur për ekipin që po kërkon kualifikim në Ligë të Kampionëve, nëpërmjet vendit të katërt dhe trofeun e parë që nga viti 2005, duke pritur finalen e League Cup. 

Arsenal është aktualisht në pozitën e katërt, por ka një ndeshje më shumë të zhvilluar se rivali kryesor për këtë pozitë, Everton. 

Ndeshjen e radhës Arsenal, për ironi, e luan ndaj Hull City, ekip ky me të cilin do të takohet edhe në finale të Kupës së Ligës. 

Rezultatet dhe tabela aktuale.