Mos na ç‘regjistroni nga titulli

Manchester City u mposht në fundjavën që e lamë pas nga Liverpool dhe tanimë lufta për titull të kampionit është në duart e të kuqve të Brendan Rodgersit. 

Manchester City përkundër se ka edhe 6 ndeshje për të zhvilluar, Liverpool nëse i fiton katër të fundit - do të shpallet kampion. 

“E njejta gjë na ka ndodhur edhe dy vite më parë. Besoj, se sikurse herën e kaluar, edhe kësaj radhe titulli nuk do të dihet se kujt do t’i takojë deri në ndeshjen e fundit të ligës,” ka thënë vendosshmërisht sulmuesi boshnjak i Manchester Cityt, Edin Dzeko. 

Dzeko ka qenë njeriu që kishte shënuar për barazimin 2-2 ndaj QPR-së atëbotë, duke i dhënë moral skuadrës për golin e fitores të shënuar nga Sergio Aguero në minutat shtesë dhe për të marrë titullin - pas, mbi 4 dekadave në pjesën e kaltër të Manchesterit. 

Pas disfatës nga Arsenali 1-0 në fillim të muajit prill të vitit 2012, Manchester City ishte 8 pikë larg Manchester Unitedit lider. Mirëpo, të kaltërit fituan të gjitha, nga gjashtë ndeshjet e fundit, për të fituar titullin kampion në sekondat e fundit të ndeshjes.