Synim i Barcelonës!

Gjermani karizmatik, Jurgen Klopp, mund ta udhëheq Barcelonën që nga stinori i ardhshëm. Me këtë njoftim ka dalë e përditshmja spanjolle, Sport, sot, ku shkruhet se sipas burimeve të mirëinformuara të tyre, Tata Martino, nuk e duron presionin e shkaktuar mbi atë dhe nuk ka dëshirë të vazhdojë edhe pjesën opcionale të kontratës me Barcelonën. 

Presioni

Argjentinasi Martino ka kontratë 1+1 vjet me Barcelonën dhe me të përfunduar stinori asnjëra palë nuk e ka detyrim ta vazhdojë atë. Presioni i madh mediatik dhe kontrollimi i komenteve të tij, thuhet të jetë arsyeja kryesore e mosdëshirës së tij për të vazhduar me katalonasit, e Tata njihet si njeri që dëshiron të ketë çdo gjë në kontroll. 

Aftësia

Në anën tjetër, drejtuesit katalonas tashmë janë të bindur se Martino nuk di të reagojë nëse klubi duhet ndjekur rezultatin dhe me disfatën nga Atletico Madrid në kuadër të Ligës së Kampionëve, janë vërtetuar për këtë gjë këtë stinor, thuhet në shkrimin e Jordi Gil. 

Trajnerët opcional

Pas rishikimit të të gjithë trajnerëve që do të mund t’i adaptoheshin lojës së Barcelonës, më favorit nga të gjithë duket të jetë gjermani i Borussia Dortmund, Jurgen Klopp. Te lista e trajnerëve për të qenë pasardhës i Martinos janë përfolur: Luis Enrique, Andre Villas-Boas dhe Diego Simeone. Mirëpo, Klopp për shkak të punës së madhe me nxjerrjen e të rinjëve nga foleja e klubit, ka fituar këtë duel - shkruan më tej Sport. 

Vendimi

Sidoqoftë, vendimi përfundimtar lidhur me largimin-qëndrimin e Gerardo Tata Martinos dhe me ardhjen e trajnerit të ri pritet të mirret ekskluzivisht me ‘amin’in e kryetarit Josep Maria Bartomeu.

Në nëntitull të artikullit të Jordi Gil shkruan se debakli në Granada ka çuar në marrje të këtij vendimi dhe është konfirmuar nga burimet e tij, Tata shkon, e Klopp do të tentohet.