Kthehet Varane

Real Madrid tani do të jetë edhe më i fortë në mbrojtje. Kjo pasi atyre u kthehet në ekip qendërmbrojtësi françez Raphael Varane, pas lëndimit. 

I riu Varane ka qenë jashtë fushave që nga 9 nëntori i vitit të kaluar për shkak të një lëndimi të pësuar në gjurin e tij. 

E me tu kthyer në stërvitje, e përditshmja As beson se Carlo Ancelotti do ta fusë atë në ndeshje ndaj Atletico Madridit të vlefshme për ndeshjen e kthimit të gjysmëfinales së Kupës së Mbretit. 

Ndeshja e parë 3-0

Bile, françezi pritet të futet në 11-shen e parë të ekipit për të ruajtur Sergio Ramosin dhe Pepen, të cilët janë vetëm një karton të verdhë larg suspendimit në Kupë. 

Real Madrid ka mposhtur Atletico Madridin në ndeshjen e parë të Kupës të zhvilluar në Santiago Bernabeu 3-0. 

Atletico Madrid është mbrojtës i trofeut të Kupës së Mbretit.