Kujdes, fati i Dortmundit mund të na përcjellë!

Pas humbjes katastrofale në nismë të stinorit pranveror, Bayern Munchen, ka rrezik që të përjetojë fatin e Borussia Dortmundit. 

Kështu mendon trajneri spanjoll i ekipit bavarez, Pep Guardiola. Dortmund që në 5 vitet e fundit ka qenë rivali më i madh i Bayernit në luftë për titull, duke e fituar titullin dy herë, tashmë po lufton për mbijetesë! 

“Më pëlqen Kloppi dhe Dortmundi. Ata kanë lojtarë shumë të mirë, por tani janë në fund të tabelës. Ne duhet të kemi kujdes, ngase fati i njejtë mund të na përcjell,” ka thënë Guardiola, që po e drejton Bayernin në rrugë për titullin e dytë kampion me radhë me ‘të në krye, transmeton Goal.com.

“Nëse ne e kuptojmë se do të mund të humbim ndeshjen ndaj Schalkes, atëherë jemi në rrugë të mirë. Schalke është njëra ndër ekipet më të mira në Gjermani dhe është vështirë t’i sulmosh ata,” ka thënë Guardiola duke bërë të ditur se Bayern ka punë për të kërkuar fitoren sot, derisa me rëndësi është që mos ta shohin veten triumfues para ndeshjes. 

Bayern është lider i Bundesligës me 8 pikë më shumë se përcjellësi i parë, Wolfsburg. 

Rezultatet dhe Tabela aktuale në Bundesligë