Kupa mbetet objektiv

Gani Sejdiu ka shënuar fitoren e dytë me radhë këtë xhiro në Superligë me Trepçën’89 duke e mposhtur Gjilanin, që synonte kreun në këtë xhiro, pas Drenicës një xhiro më parë. 

Sidoqoftë, me modestinë e tij Sejdiu ka thënë se ekipi i tij vetëm se është larguar nga zona e rrezikshme e Superligës dhe objektiv i Trepçës’89 mbetet Kupa e Kosovës. 

“Ka qenë ndeshje e vështirë duke pas parasysh rivalin dhe cilësitë e tij. Kemi luajtur pa presion dhe i kemi eliminuar gabimet e bëra në ndeshjet e kaluara,” ka thënë Sejdiu fillimisht për mikrofonin e Supersportit pas ndeshjes. 

“Fitorja na largon nga zona e rrezikshme, ndërsa lufta për titull nuk është prioritet yni. Kupa mbetet objektiv. Sa i përket titullit, nëse na vjen mundësia do ta shfrytëzojmë natyrisht,” ka shtuar ai. 

Trepça’89 ka mposhtur 0-1 Gjilanin si mysafir sot me golin e Blerand Kurtishajt.