Kush është Bielik?!

Krystian Bielik është 17 vjeçari i radhës, ëndrrat e të cilit u bënë realitet, duke nënshkruar kontratë me Arsenalin nga Londra. 

Polaku i ri këtë e kishte ëndërr, ndërsa Arsenali sot zyrtarizoi kalimin e tij nga Legia e Varshavës, për 2.5 milionë funta dëmshpërblim. 

Legia, u nda e kënaqur me këtë marrëveshje, pasi që për lojtarin në fjalë kishte investuar 9 mijë funta, dëmshpërblim që i kishte paguar ish ekipit të tij, Lech Poznan, vetëm një vjet më parë. 

Bielik është kapiten i reprezentacionit të ri të Polonisë dhe ekspertët e Eurosportit nga ky vend kanë thënë se: Bielik është mesfushor defanziv dhe një lojtar që luan shumë mirë me kokë. Thuhet që mund të luajë edhe si qendërmbrojtës, por asnjëherë nuk është provuar në këtë pozitë. 

I riu në fjalë, bëhet lojtari i tretë nga Legia që merr drejtimin e Londrës, te Arsenali, pas Lukasz Fabianskit dhe Wojciech Szczesnyt.