Kush është pasardhësi?

Afrim Tovërlani, njëri ndër trajnerët më të suksesshëm të Prishtinës së pasluftës ashtu siç edhe pritej dha dorëheqjen dje. 

Me dorëheqjen e tij, Prishtina ka njoftuar se shumë shpejtë do të bëj të ditur emrin e pasardhësit të Tovërlanit, derisa ky i fundit i ka kërkuar lojëtarëve që të vazhdojnë të ndjekin titullin kampion dhe se në fund të stinorit të festojnë bashkë. 

Përveç titujve dhe kupave të fituara, Tovërlani vazhdon të mbetet trajneri i vetëm me të cilin Prishtina ka fituar kurorën e dyfishtë, në stinorin 2012/13. 

Sot pritet të bëhet i ditur zyrtarisht emri më i ri i Prishtinës që do t’i udhëheq drejt luftës për mbrojtje të titullit, derisa Superliga e Kosovës do ta mësojë trajnerin e 28-të të stinorit.