FENER - GALATA
REUTERS
Kuyt vendos derbin e madh turk
8 March, 2015 @19:48
Fenerbahçe ka shënuar fitore të rëndësishme në derbin e madh të Superligës turke ndaj Galatasarayit sonte.
Verdhekaltërit nga Stambolli kanë mposhtur rivalin lokal, të përbetuar, Galatasarayin me anë të një goli të shënuar nga ish lojtari i Liverpoolit, Dirk Kuyt.
Kuyt ka shënuar me një goditje precize në minutën e 80-të për të qëlluar rrjetën afër shtyllës së portës së Fernando Musleras.
Me këtë fitore, Fenerbahçe ka bërë edhe më të nxehtë luftën për titull në Turqi, duke iu afruar në një pikë Galatasarayit lider dhe Besiktasit, që kanë nga 51 pikë.
