Lallana, merr ofertë nga Liverpool

Nënkampioni i Anglisë, Liverpool, i ka bërë ofertë Southamptonit për kapitenin e skuadrës, Adam Lallana, ka mësuar sot BBC Radio Solent. 

Mesfushori 26 vjeçar i ‘të shenjtëve’ ka qenë fantastik këtë stinor duke arritur që të merr ftesë edhe nga përfaqësuesja angleze si dhe pritet të jetë në listën e udhëtarëve për në Brazili 2014 me Anglinë. 

Lallana që njihet si person ambicioz besohet se nuk do të refuzojë ofertën e ekipit të Brendan Rodgers, derisa me 10 golat e tij këtë stinor i ka siguruar vetes një vend në 11-shen më të mirë të stinorit në Premier League. 

Southampton dhe Liverpool nuk kanë dhënë asnjë njoftim zyrtar lidhur me shit-blerjen apo interesimin e njërës ndaj tjetrës për shërbimet e mesfushorit, por mediat britanike raportojnë se kjo punë mund të përfundojë edhe para afatit zyrtar kalimtar.