BINACOCELESTI
REUTERS/Giampiero Sposito
Ëndërra e Lazios
13 January, 2013 @17:54
Ekipi i Lorik Canës ka arritur të mposht Atalantan sot 2-0. Fitorja e Lazios ka ardhur pasi që ka hyrë Cana në lojë. Cana është futur në ndeshje në fillim të pjesës së dytë, duke e zëvendësuar boshnjakun Senad Lulic.
Ky zëvendësim doli të jetë i qëlluar nga trajneri gjithashtu boshnjak, Vladimir Petkovic, pasi Lazio ndërroi lojën dhe fitoi vetëbesim në qendër të mesfushës me kosovarin - pas së cilës rodhën edhe golat.
Kiksi i Juventusit sot mund t’i kushtojë shumë pasi që Lazio tash ka vetëm tre pikë më pak se bardhezinjtë nga Torino. Juventusi lider ka 45, derisa Lazio ka 42 pikë.
Në xhiron e ardhshme Juventus do të ketë punë të vështirë ndaj Udineses, derisa Lazio i shkon Palermos.
REZULTATI:
Lazio - Atalanta 2-0 (Floccari 67, Brivio ag. 77)
