Tragjiku i fundjavës

Dje, ka qenë dita më e keqe e futbollistit irlandez prej se ka ardhur në Stoke City. Jonathan Walters ka shënuar dy autogola, duke tentuar të largojë topin, pas krosimeve të lojtarëve të Chelseat, kurse krejt në fund kur e kishte mundësinë ta zbuste epërsinë e Chelseat - ai ka huqur edhe penalltinë për ekipin e tij. 

Mirëpo, atij i ka dalë në përkrahje trajneri i ekipit Tony Pulis. 

“Walters është në një klub të mirë. Klubi i tij kujdeset për futbollistët. Ai nuk duhet të mërzitet për asgjë çka ka ndodhur në ndeshje. Përkundër asaj çka thonë njerëzit jashtë klubit, Stoke është klub shumë i mirë futbolli. është familje, ne i trajtojmë lojtarët si familjarë dhe Joni do të jetë mirë,” kanë qenë fjalët e trajnerit Pulis, transmeton Soccerway. 

Walters 29 vjeçar deri më tani ka shënuar pesë gola për ekipin e tij, i cili gjindet në mesin e tabelës së Premier League, në vendin e dhjetë. Stoke ka humbur nga Chelsea 0-4.