Leicesteri e nis me humbje

Me humbje e ka nisur sezonin e ri kampioni në fuqi i Premier Leagues.

Në ndeshjen hapëse që skuadra e Ranierit e luajti ndaj Hull Cityt, u mposht me rezultat 2-1, përkundër dominimit në pjesën më të madhe të ndeshjes.

Në fakt, Leicesteri mund të krijonte epërsi solide, sikur Jamie Vardy të tregohej më i vëmendshëm në dy-tri raste gjatë pjesës së parë. Shpërdorimet e Vardyt i shfrytëzoi Hull City, i cili kaloi në epërsi me golin akrobatik të Diomandes në fundin e pjesës së parë.

Rezultati u barazua me të filluar pjesa e dytë pas një penalltie tejet të dyshimtë të akorduar në favor të Leicester Cityt. Kur u mendua se Leicesteri mund ta fitonte ndeshjen, në skenë doli Snodgrass, i cili shënoi për rezultatin 2-1 dhe gola të tjerë nuk pati, me pikët e plota që i takuan Hull Cityt të sapo rikthyer në Premier League.

TABELA AKTUALE

All Goals HD - Hull City 2-1 Leicester City… by arcturusmedia33