E ARDHMJA E PASIGURTË
Lëkundet “karrika” e holandezit
13 December, 2015 @11:58
Pas një sezoni që filloi mirë, me rezultate të mira dhe me pritshmëri të larta, Manchester United po kalon në një formë katastrofale. 5 ndeshje rresht pa fitore, të eliminuar nga Champions League dhe nga Capital One Cup, gjigandi anglez përkundër shpenzimeve të mëdha nuk po i arrin pritshmëritë.
Në muajin dhjetor kur kalendari në letër dukej i lehtë dhe pritej marrja e kreut, United po merr rezultate edhe më të papritshme. Dhe për të gjitha këto gishti drejtohet nga Louis Van Gaal. Tabloidet britanike dhe botërore shkruajnë se karrika e holandezit po lëkundet ditëve të fundit kurse thuhet që klubi anglez ka filluar kontaktet me Carlo Ancelottin, momentalisht i papunë dhe me Pep Guardiolën e Bayernit.
Disa tabloide të tjera flasin për një shkarkim të holandezit dhe për marrjen e “fronit” nga Ryan Giggs. Spekulimet janë nga më të ndryshmet, mirëpo një gjë është e sigurtë: situata tek United nuk është aspak e mirë dhe Louis rrezikon seriozisht shkarkimin.
