Lëndohen Braithwaite dhe Dembélé

Martin Braithwaite, pësoi ndrydhje të këmbës së djathtë gjatë seancës stërvitore të marten.

Ndërsa, këtë të enjte Ousmane Dembélé, kishte disa shqetësime dhe do të mungojë në ndeshjen e sotme kundër Getafe.

Kështu, Barcelonës i shtohen problemet në pjesën e sulmit të ekipit, derisa katalonasit po kërkojnë mundësi që të rikthejnë titullin kampion në Camp Nou, pas dështimit në stinorin e kaluar - pasi që atë ia rrëmbeu Real Madridi.

Braithwaite dhe Dembélé, i janë bashkuar lojtarëve që kanë lëndime më afatgjata Philippe Coutinho dhe Ansu Fati.

Koeman është me probleme në sulm, pasi ai ka vetëm tre sulmues në dispozicion: Leo Messi, Antoine Griezmann dhe Francisco Trincao. Prandaj, ai ka përfshirë në thirrje sulmuesin e ekipit të dytë të blaugranëve, Konrad de la Fuente.

Ndeshja mes Barcelonës dhe Getafes zhvillohet sot në orën 22:00.