WBA 0-5 CITY
Lider i pastër, e shtata me radhë shkatërrimtare për rivalin
26 January, 2021 @23:53
Forma e shkëlqyeshme që e ka kapur Manchester City si duket tashmë nuk ka të ndalur.
Përkundër se sot kishin përballë njërin ndër ekipet më të dobëta këtë stinor në Premier Ligë, djelmoshat e Pep Guardiolës janë treguar brilant deri në fund, duke mos nënçmuar fare kundërshtarin dhe duke i shënuar 5 gola mbrojtjes së ekipit që ka pranuar më së shumti gola në TOP 5 ligat evropiane të futbollit.
Paraqitje fantastike në mes të fushës kanë treguar dyshja në formë Ilkay Gundgodan dhe Phil Foden, ndërsa stabiliteti në mbrojtje ka vazhduar me dyshen John Stones e Ruben Dias - që tashmë 4 ndeshje radhazi s’kanë pranuar gol!
Në fund, WBA i Sam Allardyceit dhe Manchester City janë ndarë me rezultat 0-5 [Ilkay 6, 30, Cancelo 20, Mahrez 45, Sterling 57].
Manchester City tashmë ka shënuar 7 fitore radhazi në Premier Ligë dhe në duele të radhës takohet me Sheffield Unitedin e Burnleyn, para se t’i shkojë kampionit aktual në konak.
PLAYER RATINGS
West Brom: Johnstone 6; Furlong 5, Ajayi 5, O’Shea 5, Gibbs 4; Snodgrass 4, Sawyers 4, Livermore 4, Pereira 4; Grant 5, Robinson 5. Rez.: Bartley 6, Phillips 6, Robson-Kanu 6.
Man City: Ederson 6, Cancelo 9, Dias 8, Stones 8, Zinchenko 7, Gundogan 9, Rodrigo 7, Mahrez 7, Bernardo 7, Foden 8, Sterling 7. Rez.: Jesus 6, Laporte 6, Torres 6.