PARA NDESHJES: HAJVALIA-TREPÇA89
Trepça'89 në pritje të nisjes së ndeshjes/ BOROZANI/ D. S.
Lideri për shtim avantazhi ndaj Hajvalisë së dorëzuar
3 March, 2017 @8:49
Përballja tjetër e ditës së sotme zhvillohet në stadiumin e Kishnicës, ku Hajvalia pret Trepçën’89.
Dy ekipe të ekstremit tabelar aktualisht në Superligë, Hajvalia e fundit e Trepça’89 e para, në përballjen e tyre të ditës nuk pritet që të bëhet as ndonjë befasi.
Hajvalia duket të jetë e pajtuar me fatin e vetë që këtë stinor do të përshëndetet nga Superliga, derisa në 4 duelet e fundit ka 4 disfata.
Në anën tjetër, Trepça’89 në 3 ndeshjet e fundit ka 3 fitore dhe është ekipi më në formë në këtë aspekt. Mitrovicasit tash në drejtim të Zekirija Ramadanit duken edhe më të rrezikshëm, ndërsa ekipi duket të jetë i komponuar maksimalisht për Superligë dhe dilema për pikë nuk ka, por vetëm për numrin e golave të shënuara në fund të ndeshjes.
TOP GOLASHËNUESIT E SUPERLIGËS
Ilir Shuleta do të jetë referi kryesor i ndeshjes, derisa Jakup Musolli e Bekim Rama janë anësorët në këtë përballje që nis nga 13:00 sot.
