Liga e Kombeve, në shitje biletat e finaleve

Kanë dalë në shitje biletat për fazën finale të Ligës së Kombeve.

Faza finale e më të mirëve të Ligës së Kombeve do të luhet në qytetet Porto dhe Guimares të Portugalisë, ku fillimisht në gjysmëfinale më 5 qershor të këtij viti do të përballen mes vete Portugalia e Zvicra, e më 6 qershor Holanda dhe Anglia.

Fituesit e dueleve përkatëse kalojnë në finale, e cila do të luhet më 9 qershor, në të njëjtën datë me ndeshjen mes skuadrave që luftojnë për vendin e tretë.

Për biletat e ndeshjeve mund të aplikohet në faqen zyrtare të UEFA-së mes datave 30 janar (sot) dhe 12 shkurt, ndërsa të përzgjedhurit që do të mund t’i blejnë biletat do të njoftohen në fund të muajit shkurt.