COPPA ITALIA 1/4: MILAN - NAPOLI
Fotot: ACMilan/tw
Piatek me çifte, çon Milanin në gj’finale
29 January, 2019 @22:56
Sulmuesi i posaardhur te Milan, polaku Krzysztof Piatek me dy golat e tij të shënuara sonte në përballjen çerekfinale ndaj Napolit, ka kualifikuar rossonerët në gjysmëfinale të Kupës së Italisë.
Milan mposhti Napolin 2-0 në San Siro, për të siguruar gjysmëfinalen ndaj Interit ose Lazios.
Ky ka qenë starti i parë i plotë i Piatekut për Milanin. Një gol i Piatekut ka qenë i asistuar nga Diego Laxalt, ndërsa i dyti nga Lucas Paqueta.
Në anën tjetër, Napoli i Carlo Ancelottit sikurse nënçmoi Kupën italiane, pasi që 3-4 lojtarë standard të ekipit ishin lënë në bankën rezervë të napolitanëve, që u kushtoi me eliminim.
