Liria me 5 përforcime

Njëra prej skuadrave kryesore që synon të sigurojë një vend në Superligë për stinorin e ardhshëm, Liria, zyrtarisht ka bërë kërkesë në adresë të FFK-së për t’i regjistruar 5 futbollistë të rinjë në skuadër.

Ish futbollistët e Lirisë, Admir Mehja dhe Dërgut Muja, si dhe futbollistët, Klaus Nika, Arbër Komoni dhe Hamëz Merxha do ta veshin fanellën bardhezi të prizrenasve në stinorin pranveror, njofton faqja zyrtare e klubit.

“Sot edhe zyrtarisht kemi paraqitur këta futbollistë për kryerjen e procedurave rreth transferimeve. Mbetet që edhe formalisht të merret konfirmimi nga komisioni për regjistrim,” ka thënë anëtari i Bordit të Lirisë, Mitat Muhameti.

Liria, së bashku me Llapin, Gjilanin, Flamurtarin dhe KEK-un, formojnë pesëshen e parë të skuadrave të Ligës së Parë, që janë në luftë për ta siguruar Superligën për stinorin e ardhshëm.

Tabela aktuale në Ligën e Parë.