Lista meksikane për Botëror

Po vazhdon publikimi i listave të lojtarëve për Kampionatin Botëror nga përfaqësueset që do të shkojnë në Brazil.

Këtyre së fundi iu bashkua edhe përfaqësuesja e Meksikës, e cila ka bërë të ditur emrat e 23 lojtarëve që do ta përfaqësojnë shtetin nga Amerika e Mesme.

Befasia më e madhe në listën e krijuar nga përzgjedhësi Miguel Herrera, është mbrojtësi veteran, Carlos Salcido, i cili është ftuar për herë të parë në përfaqësuese prej se në krye të saj është përzgjedhësi Herrera.

Ndërsa jashtë kësaj liste ka mbetur portieri Moises Munoz dhe mesfushori i Villarrealit, Javier Aquinho.

Ja lista e 23 lojtarëve për Botëror të Meksikës:

Portierë: Jesus Corona (Cruz Azul), Guillermo Ochoa (Ajaccio), Alfredo Talavera (Toluca)

Mbrojtës: Paul Aguilar (Club America), Andres Guardado (Bayer Leverkusen), Miguel Layun (Club America), Rafael Marquez (Leon), Hector Moreno (Espanyol), Diego Reyes (Porto), Francisco Javier Rodriguez (Club America), Carlos Salcido (Tigres)

Mesfushorë: Isaac Brizuela (Toluca), Marco Fabian (Cruz Azul), Hector Herrera (Porto), Juan Carlos Medina (Club America), Luis Montes (Leon), Carlos Pena (Leon), Jose Juan Vazquez (Leon)

Sulmues: Giovani Dos Santos (Villarreal), Javier Hernandez (Manchester United), Raul Jimenez (Club America), Oribe Peralta (Santos), Alan Pulido (Tigres)