Liverpool i veçantë nën Kloppin

Legjenda e Liverpoolit, John Aldrige, ka thurrë lëvdata për trajnerin Jurgen Klopp duke e quajtur si të pabesueshëm dhe të pakrahasueshëm. 

Këto fjalë Aldrige i ka thënë pas ndeshjes me Manchester Cityn në fundjavë, kur ka parë Liverpoolin me natyrë tjetër në ndeshje. 

“Mendoj se taktikat e Kloppit janë të pabesueshme,” ka thënë Aldrige. 

“Klopp duket se është i veçantë. Ai i ndihmon ekipit gjatë lojës. I entuziazmuar, ai duket gjithmonë afër lojës dhe lojtarët e ndiejnë edhe atë në lojë. Sikur, lojtari i 12-të.” 

Ai më tej ka komentuar se detyra e ardhshme e Kloppit pritet të jetë që ta bëj ekipin e pamposhtshëm në Anfield Road, ku Liverpool ende nuk po mund të luaj sigurtë, për shkak të viteve të tëra frustrim. 

“Nëse arrin që të përmirësojë edhe lojën në Anfield Road, ne do të kemi gjasë të madhe që të përfundojmë në katërshen kryesore të klasifikimit në fund të stinorit,” ka thënë ndër të tjera ai. 

Aldrige ka qenë pjesë e Liverpoolit në vitet 1989-1991 duke zhvilluar 83 ndeshje dhe shënuar 50 gola për të kuqtë nga Anfield. Liverpool ka shënuar dy fitore të mëdha të njëpasnjëshme si mysafir në Premier League, ndaj Chelseat 1-3 dhe Manchester Cityt 1-4.