Liverpool përforcon sulmin

Liverpool ka arritur të sigurojë shërbimet e sulmuesit të Celta Vigos, Iago Aspas. Klubi i kuq, ka qenë opcioni më i mirë sipas vetë futbollistit, që ka shpëtuar Celta Vigon nga rënia në Segunda Division këtë stinor. 

“Kur kam dëgjuar që Liverpool më kërkon, nuk kam hezituar për asnjë minutë,” ka thënë Iago Aspas për Marcën sot. 

”Është njëri nga klubet më të mëdha në botë, por para klubeve italiane dhe portgueze - vendosa për Liverpoolin dhe Premier League.” 

Celta Vigo dhe Liverpool kanë rënë dakord që Aspas t’i bashkohet kampionit të shumëfishtë të Anglisë për 8.5 milionë euro, ku 7.2 milionë pagohen menjëherë, ndërsa të tjerat do të varen nga performancat e sulmuesit te klubi i udhëhequr nga Brendan Rodgers. 

Vetë 25 vjeçari, do të fitojë 1.5 milionë euro në vjet te Liverpool, gati një milionë më shumë sesa që ka fituar në tanimë ish klubin e tij (600 mijë euro). 

Aspas ka shënuar 12 gola në 34 paraqitje për Celta Vigon në stinorin e posapërfunduar të La Ligas spanjolle.