NDESHJE HISTORIKE
Liverpool qeshet i fundit
19 October, 2014 @17:02
Në stadiumin Loftus Road të Londrës u luajt një ndeshje që do të mbahet mend një kohë të gjatë.
Në përballjen ndërmjet Queens Park Rangers dhe Liverpool, që përfundoi me fitoren e mysafirëve, u shënuan katër gola në minutat e fundit të takimit.
Së pari baraspesha në rezultat u prish në minutën 67’ me autogolin e irlandezit Richard Dunne, për epërsinë 0-1 të Liverpoolit.
Spektakli i goleadës së minutave të fundit filloi në minutën 87’ me golin e Eduardo Vargasit, i cili e barazoi rezultatin në 1-1.
Tre minuta më vonë Coutinho e rikthehu epërsinë në të mirë të skuadrës së tij, derisa dy minuta pas tij përsëri Vargas barazoi rezultatin.
Kur të gjithë pritnin që me kaq do të përfundojë gjithçka, mbrojtësi i QPR-së, Steven Caulker, shënoi në portë të gabuar për t’ia siguruar fitoren të kuqëve.
Rezultatet dhe tabela aktuale.
