Liverpool trondit Old Traffordin

Liverpool ka dalë fitues në derbin e madh anglez ndaj Manchester Unitedit dhe atë në Old Trafford. Skuadra e Brendan Rodgers ka shfrytëzuar të gjitha gabimet e skuadrës vendase për ta goditur atë. 

Nga tre penallti të fituara të Liverpoolit, dy i ka shënuar dhe njëherë ka goditur shtyllën kapiteni Steven Gerrard, derisa fitoren e të kuqve nga Atlantiku e ka vulosur ylli uruguajan i ekipit, Luis Suarez. 

Manchester United nuk ka qenë konkret asnjëherë në ndeshje, derisa sulmuesi Robin Van Persie dukej tërësisht i humbur e Wayne Rooney përkundër angazhimit nuk arriti asgjë. 

Liverpool do të mund të shënonte fitore edhe më të thellë po të ishte më syçelë Daniel Sturridge në disa kundërsulme dhe të pasonte te bashkëlojtarët e tij. 

Sidoqoftë, derisa Manchester United vajton për fitore e dalje në Europë stinorin tjetër, Liverpool tashmë ka arritur të dalë mbi Manchester Cityn në tabelë dhe të kalojë në pozitën e dytë. 

Rezultatet dhe tabela aktuale.