Llorente fundos Livornon

Kampioni aktual i Italisë, Juventus, është shumë afër mbrojtjes së titullit kampion pas fitores së sotme ndaj Livornos. 

Sulmuesi spanjoll, Fernando Llorente, ka qenë njeriu që e ka fundosur edhe më tepër Livornon që po lufton për mbijetesë. Llorente ka shënuar dy herë sonte, me asistime nga Carlos Tevez dhe Andrea Pirlo. 

Sulmuesi shtatëlartë ka shënuar golin e 12-të dhe të 13-të të stinorit sonte, derisa ka afruar ekipin e tij drejt mbrojtjes së titullit të kampionit. Golat e shënuar nga ai në pjesën e parë, kanë qenë të mjaftueshëm për rezultatin përfundimtar të ndeshjes, 2-0. 

Tani, dallimi i Juventusit dhe Romës ndjekëse në tabelë bëhet 8 pikë, 6 xhiro pa përfunduar kampionati italian. 

Rezultatet dhe tabela aktuale.