JURGEN KLOPP
REUTERS
Luajmë futboll të pakuptimtë
19 October, 2014 @19:43
Agonia e nënkampionit aktual të Gjermanisë po vazhon. Borussia Dortmund dje ka marrë edhe humbjen e tretë me radhë në Bundesligë.
Ata janë mposhtur nga Kolni i Mërgim Mavrajt 2-1, derisa trajneri i skuadrës Jurgen Klopp, e ka përshkruar lojën e ekipit të tij si të pakuptimtë.
“Kemi luajtur futboll të pakumptimtë. Duhet t’ia nisim muzikës së vjetër përsëri. Pasime të gabuara dhe gabime të thjeshta - kemi bërë shumë. I mundësuam kundërshtarit rastet, ua lehtësuam punë. Këtë duhet ta rregullojmë, sepse askush nuk do të na ndihmojë nëse ne nuk i ndihmojmë vetes,” është cituar nga BBC, të ketë thënë Klopp pas humbjes së tretë me radhë të ekipit të tij në ligë.
Borussia Dortmund është aktualisht në pozitën e pestë nga fundi i tabelës, derisa është përballur me lëndime të disa lojtarëve kyq në fillim të stinorit.
Jurgen Klopp ka udhëhequr verdhezinjtë e Dortmundit drejt dy titujve kampionë në stinorët 2010/11 dhe 2011/12.
Borussia Dortmund është mposhtur nga Kolni për herë të parë pas 11 viteve.
