Lulic mund të suspendohet pas fyerjeve raciste

Mesfushori boshnjak i Lazios, Senad Lulic, mund të suspendohet dhe të gjobitet rëndë për fyerje raciste ndaj futbollistit të Romës, Antonio Rudiger, në derbin ku Lazio u mposht nga Roma 0-2.

“Rudiger na ka provokuar edhe para ndeshjes. Dy vite më parë ai ka qenë duke shitur çorape dhe rrypa në Stuttgart, tash po e luan rolin e fenomenit. Nuk është gabim i tij ky, por i atyre që janë përreth tij. Nuk e kanë mësuar të sillet mirë,” ka thënë pas ndeshjes Lulic kur u pyet nga mediat italiane për fyerjet.

GOLAT E NDESHJES LAZIO 0-2 ROMA

Lulic ka shtuar se i ka thënë ato që i ka menduar ndaj Rudigerit, ndërsa sa i përket lojës, ka thënë se 2 gabimet e vetme në ndeshje i kushtuan ekipit të tij që ishte më i mirë në fushë me disfatë 0-2.