Mustafi asiston, Sanchez shkëlqen, Arsenali ngjitet

Pas eliminimit nga kupa, Arsenali i është rikthyer fitoreve në ligë në takimin e luajtur sot ndaj rivalit të qytetit, West Ham United.

Skuadra e drejtuar nga Arsene Wenger e mbylli takimin me 5 gola të shënuara, ndërsa goli i dytë dhe ai që e vulosi fitoren u asistua nga Shkodran Mustafi, i cili u paraqit për 90 minuta sot. Përveç asistimit, Mustafi u ndëshkua edhe me karton të verdhë. Për 90 minuta u paraqit edhe Granit Xhaka, i cili zhvilloi një paraqitje solide.

Lojtari kryesor i këtij takimi ishte kiliani Alexis Sanchez, i cili takimin e mbylli me hat-trick dhe asistim, ndërsa golat e tjerë u shënuan nga Özil e Chamberlain.

Kjo fitore bën që Arsenali të ngjitet mbi Cityn në tabelë.

TABELA AKTUALE PREMIER LEAGUE

All Goals HD - West Ham 1-5 Arsenal 03.12.2016 HD by hqfootball2016