Chelsea nuk ndalet, fiton edhe në ‘Etihad’

Me një super ndeshje me intensitet të lartë dhe shumë raste për shënim u hap kjo xhiro e Premier Ligës!

City e Chelsea dhuruan 90 minuta fantastike në ‘Etihad Stadium’ e në fund fitores iu gëzua skuadra e Antonio Contes, e cila e vazhdoi serinë e fitoreve radhazi, për ta ruajtur kështu kreun e klasifikimit.

Në fakt, ndeshja u dominua plotësisht nga skuadra e Pep Guardiolas, e cila edhe kaloi e para në epërsi në fundin e pjesës së parë. Edhe në pjesën e dytë, rastet e Cityt për gol vazhduan, kurse pika kthyese e takimit ishte rasti i humbur nga Kevin De Bruyne, i cili gaboi me portën bosh, e Chelsea reagoi shumë shpejt me ‘ligjin e pashkruar të futbollit’, kur Diego Costa shënoi pas një super asistimi nga Cesc Fabregas.

Rastet e shpërdorimet e Cityt vazhduan edhe më tutje, ndërsa Chelsea me mbrojtje solide, shënoi edhe 2 herë në 2 rastet e vetme që i kishte në vazhdim të ndeshjes, për ta mbyllur takimin me shifrat 1-3.

Pak minuta para fundit, City u ndëshkua edhe me dy kartonë të kuq. Fillimisht u ndëshkua Aguero për një ndërhyrje në dëm të Luizit, e më pas shpërthyen zënkat, ku pa të kuq nuk shpëtoi as Fernandinho.

Kjo fitore e ngrit Chelsean në 34 pikë dhe e mban në krye të paktën edhe për një xhiro.

TABELA AKTUALE PREMIER LEAGUE

All Goals & Highlights HD - Manchester City 1-3… by Jek09Pre