NAPOLI - INTER
Hysaj e Napoli gjunjëzojnë Interin
2 December, 2016 @22:37
Pas suksesit të arritur të hënën ndaj Fiorentinës, Interi është mposhtur në takimin e luajtur ndaj Napolit në ‘San Paolo’, duke e vazhduar kështu formën jokonstante, me fitoret që vijnë kohë pas kohe, por jo në vazhdimësi sa për t’u ngritur në tabelë.
Në fakt ndeshja sonte nuk pati histori, me Napolin që shënoi 2 herë brenda 10 minutave për ta ‘mbytur’ ndeshjen, e më pas pjesa tjetër u zhvillua pa ndonjë interesim të madh. Fitorja u thellua edhe më tutje në pjesën e dytë, kur Insigne shënoi për 3-0, që doli të ishte edhe rezultati përfundimtar.
Për 60 minuta në këtë takim u paraqit edhe Elseid Hysaj, i cili vazhdon të jetë startues i rregullt te klubi napolitan.
Me këtë fitore, Napoli i afrohet zonës Champions, ndërsa Interi ndodhet ende larg synimeve sezonale.
Lorenzo Insigne Goal - Napoli 3-0 Inter Milan… by mouradst1987
Marek HAMSIK Amazing Goal - SSC Napoli 2-0… by SkyKooora17
Piotr Zielinski Amazing Goal - SSC Napoli 1-0… by SkyKooora17
