PARC DES PRINCES
Lyon ia mohon fitoren Parisit
21 September, 2014 @23:09
Skuadra e Olympique Lyon, përkundër se gjatë gjithë ndeshjes ishte në disavantazh dhe shikuar ndeshjen, nuk dukej se do të arrinte të shënonte - ka arritur që të nxjerrë barazim në Parc des Princes.
Një gol, nga një kundërsulm i shënuar nga mbrojtësi Samuel Umtiti ka qenë i mjaftueshëm për ekipin nga Mesdheu për t’ia mohuar trepikëshin kampionit të Francës, shumë të fuqishëm gjatë gjithë ndeshjes.
Edinson Cavani kishte çuar në epërsi parisienët, të cilët patën raste të shumta para portës së Antony Lopesit të Lyonit, por që nuk shënuan më.
Edhe pse në 5 minutat e fundit, Paris St Germain, tentoi të arrinte fitoren, këtë nuk mundi ta bëj dhe Lyoni fatlum, kthehet në shtëpi me një pikë të vlefshme nga kryeqyteti i vendit.
Derisa ky ka qenë barazimi i parë për mysafirët këtë stinor, Parisi tashmë është me më së shumti barazime në Ligue 1, katër nga gjashtë ndeshje.
REZULTATET, TABELA DHE NDESHJET E RADHËS
