Mahrez i sjell finalen historike Man Cityt

Algjeriani Riyad Mahrez ka shënuar dy herë në përballjen e dytë gjysmëfinale të Ligës së Kampionëve ndaj Parisit, për t’i dhënë arritjen historike ekipit të tij, finalen e madhe të Ligës së Kampionëve.

Manchester City mposhti Parisin, që doli nga kontrolli dhe mbeti me 10-lojtarë pas skuqjes së Angel Di Marias, me rezultat 2-0 [Mahrez 11, 63].

Organizimi i mbrojtjes së Cityt u duk perfekt sonte, derisa parisienët nuk gjetën asnjë lloj zgjidhje për ta thyer atë. E me fillimin e lojës Mahrez shënoi për 1-0, pasi që mysafirëve iu mohua një penallti nga VAR-i.

Në pjesë të dytë, Mahrez siguroi finalen e parë në historinë e garave evropiane për ekipin, derisa në një kundërsulm vrasës - shënoi për vulosjen e finalistit të garës dhe ia siguroi skuadrës biletën për Stamboll. Kujtojmë City kishte fituar edhe ndeshjen e parë të zhvilluar në Paris, 1-2.

Manchester City tash në finalen e Stambollit në Stadiumin Ataturk, do të pret fituesin e duelit Chelsea - Real Madrid, më 29 maj 2021.