GRUPI G
Makineria e Chelseat dhe fitorja e parë e Schalkes
21 October, 2014 @22:50
Chelsea ka vazhduar me lojëra të mira. Të pakapshëm dhe të fuqishëm janë treguar edhe njëherë sonte të kaltërit e Jose Mourinhos, duke e mposhtur thellë dhe bindshëm Mariborin ku luan shqiptari, Agim Ibraimi.
Chelsea ka shënuar fitore 6-0, derisa dy prej tyre nga penalltia, e në anën tjetër Ibraimi ka dështuar ta shënojë penalltinë për ekipin e tij, për golin e nderit të skuadrës.
Mourinho ka pasur luks që të provojë edhe disa talentë të ekipit në Ligë të Kampionëve, pasi që fitoren e kishte siguruar heret.
Ndeshja tjetër e Grupit G dha një triler të vërtetë. Schalke që shkonte sigurt drejt fitores pranoi dy gola nga Adrien Silva i Sportingut që barazoi rezultatin 3-3 dhjetë minuta para fundit të takimit në Veltins Arena të Gelsenkirchenit.
Mirëpo, për fitore të ekipit të ri të trajnerit italian, Roberto Di Mateo, u përkujdes Erik Choupo Moting që shënoi nga penalltia, në minutën e fundit shtesë të takimit për fitore 4-3.
Kjo ka qenë fitorja e parë e Schalkes në grup dhe bashkë me Chelsean tani po marrin pjesën e epërme të tabelës së Grupit G.
Ndeshjet e radhës:
| Sporting Lisboa - Schalke 04 | |||
| Maribor - Chelsea |
TABELA E GRUPIT G:
| 1 | Chelsea | 7 pikë | ||
| 2 | Schalke | 5 pikë | ||
| 3 | Maribor | 2 pikë | ||
| 4 | Sporting | 1 pikë |
