Man City në finale të Kupës së Botës për klube

Manchester City ka shënuar fitore me tre gola dallim ndaj Urawa Red Diamonds, për të siguruar finalen e Kupës së Botës për klube. Në duelin gjysmëfinal mes kampionit aktual të Evropës dhe të Azisë, ekipi anglez i drejtuar nga Pep Guardiola ka shënuar fitore bindëse, 3-0 [Holbraten 45’ag., Kovacic 52’, Bernardo Silva 59’].

Të premten, në finale Manchester City do të takohet me kampionin e Amerikës së Jugut, Fluminese, në duelin që do të përcaktojë klubin më të mirë të botës për këtë vit. Arabia Saudite është nikoqire e turneut. Manchester City nëse arrin fitore në finale, do të bëhet ekipi i katërt anglez që e arrin këtë sukses, pas Manchester United, Chelsea dhe Liverpoolit.