Mandzukic e Modric, sa krejt Islanda

Njëmbëdhjetëshja e parë e Kroacisë është gjashtë herë më e shtrenjtë se ajo islandeze. Në kushte normale dhe raste ideale, vetëm ndonjë çudi mund të çon Islandën në Kampionat Botëror pas dy ndeshjeve të barazhit, shkruajnë sot mediat kroate. 

Gjithashtu, në krahasimin e bërë sipas futbollistëve, ka rezultuar që Mario Mandzukic dhe Luka Modric të kushtojnë sa i gjithë ekipi i Islandës. 

Sidoqoftë portieri kroat, Stipe Pletikosa, ka kërkuar nga kombëtarja e tij dhe nga publiku të jenë të durueshëm, pasi që Islanda nuk është rival për tu nënçmuar. 

Sulmuesi islandez Alfred Finnbogason është golashënuesi më i mirë i ligës holandeze, derisa Gylfi Sigurdsson është në formë të mirë me Tottenhamin. 

Kroacia do të jetë nesër mysafire e Islandës në Laugardalsvöllur stadium të Reykjavíkut, ku muaj më parë u mposht Shqipëria 2-1. 

Edhe e përditshmja Jutarnji List ka shkruar sot se vetëm mrekullia mund ta çojë Islandën në Brazil, derisa përzgjredhësi i Islandës, Lars Lagerback, ka thënë se ka planin antikroat. 

Kroacia në fund të kualifikimeve ka ndërruar trajnerin, duke e larguar Igor Stimacin dhe në vend të tij kanë sjellur Niko Kovacin. 

Barazhi luhet brenda katër ditëve të ardhshme ku pas ndeshjes së nesërme në Islandë, Kroacia do t’i pret ata të martën në Zagreb.