Uruguaji dhe Meksikoja në Brazil

Uruguaji dhe Meksikoja janë në Brazil. Dy përfaqësueset nga pjesa e poshtme e kontinentit amerikan kanë arritur fitore të thella sonte ndaj kundërshtarëve të tyre dhe tashmë shkuarja e tyre në Brazil gati se është e padiskutueshme.

JORDANIA-URUGUAJI

Sulmuesi i Paris St Germainit, ka shënuar një gol brilant nga gjuajtja e lirë dhe ka pasur gisht edhe në dy tjera në fitoren e madhe të jugamerikanëve ndaj kundërshtarit aziatik, Jordanit, 5-0.

“Janë mënyra të panumërta se si mund të fitohet një lojë futbolli. Sonte nuk kemi luajtur mirë, por kemi pasur mprehtësi para portës së kundërshtarit që ka rezultuar me gola,” u ka thënë përzgjedhësi i përfaqësueses uruguajane, Oscar Tabarez, mediave pas fitores së madhe që ia siguron biletën vendit të tij në Brazil 2014. 

Uruguaji ka qenë mysafir sonte, derisa disa ditë më vonë luhet ndeshja e kthimit të këtij barazhi në Amerikë Jugore. 

MESKIKO-ZELANDA E RE

Edhe Meksikoja, si anëtare e CONCACAF-it (Amerikë e Mesme) ka arritur të shënojë fitore të thellë në Azteca sonte. Ata kanë mposhtur kundërshtarin nga Oqeania, Zelandën e Re, me rezultat të thellë 5-1. 

Përveç tjerësh te meksikanët është dalluar sonte edhe ish qendërmbrojtësi i Barcelonës, Rafael Marquez, i cili në moshën e tij 34 vjeçare është duke treguar përvojën e madhe drejt kualifikimit të vendit të tij për në Brazil. 

Rezultatet e barazhit: