Mannone kalon te Sunderland

Skuadra e udhëhequr nga italiani kontravers, Paolo Di Canio, Sunderland ka arritur marrëveshje me Arsenalin për transferimin e portierit Vito Mannone. 

Italiani Mannone ka qenë ish portieri i përfaqësueses azzurre U-21 dhe ka vite që mbron në Arsenal, por asnjëherë nuk ka qenë opcion i parë i portës së topçinjëve, para polakëve Wojciech Szczesny dhe Lukasz Fabianksi. 

Mannone 25 vjeç me 191 centimetrat e tij do të duhet të luftojë për portierin e parë të ‘macave të zeza’ të Sunderland me Kieren Westwood. 

Sunderland është gjithashtu duke e përcjellë gjendjen e mesfushorit të Tottenham, Tom Huddlestone, i cili kushton afro tetë milionë euro.