Monaco ia nis me minus

Festa e titullit të kampionit të Ligue 2 të Francës i ka kushtuar me dy pikë dhe një ndeshje pa tifozë skuadrës së promovuar në Ligue 1, Monaco. 

Kështu ka njoftuar sot në deklaratën e saj zyrtare udhëheqësia e ligës elite françeze, Ligue 1. Fishekzjarrët, hyrja e tifozëve në fushë, shtyerja e referit nga një tifoz - të shkruara në raport të ndeshjes së fundit të Monacos në Ligue 2, ndaj Le Mansit - kanë qenë arsyet kryesore të dënimeve të shqiptuara për klubin nga Monte Carlo. 

Monaco, ka bërë transferimet më të bujshme gjatë këtij afati kalimtar, pasi që klubin e morri në pronësi miliarderi rus, Dmitry Rybolovlev. Ai ka blerë, Joao Moutinhon, James Rodriguezin dhe Radamel Falcaon - që në total i kanë kushtuar 120 milionë euro.