Mata i Manchesterit!

Manchester United ka ofruar rreth 40 milionë euro për të liruar spanjollin Juan Mata nga Chelsea. Chelsea e ka pranuar këtë ofertë për mesfushorin 25 vjeçar që nuk po gjen vend në ekipin e parë dhe ai pritet që të kryejë testet mjekësore sot, para se të kalojë te kampioni i Anglisë, Manchester United. 

Ky është shkrimi i botuar në faqen zyrtare të BBC-së, që insiston se marrëveshja ndërmjet Manchester Unitedit dhe Chelseat për Matan është arritur. 

Spanjolli do të nënshkruajë kontratë 4.5 vjeçare me djajt e kuq, derisa është përshëndetur me bashkëlojtarët e tij të deritashëm dje në terrenet e stërvitjes. 

Nëse marrëveshja ndërmjet Chelseat dhe Mancheser Unitedit zyrtarizohet, Mata do të bëhet rekord transferi i djajve të kuq, pasi që do të kalonte transferin e Dimitar Berbatovit nga Tottenham Hotspurs në shtator të vitit 2008, të cilin Manchester e pat blerë për rreth 35 milionë euro.