Mata vulos ndeshjen

United vuajti jashtëzakonisht shumë derisa gjeti golin e parë. 20 minuta nga fundi, Mata, shumë i qetë fare pranë portës, arriti të shënojë golin e vetëm të ndeshjes që vlen 3 pikë dhe mban gjallë shpresat për një biletë në Champions League sezonin e ardhshëm.

United e nisi ndeshjen me shumë mungesa. Në formacionin startues mungonin Blind dhe Rashford, ndërsa Martial u dëmtua gjatë nxemjeve. Pëveç kësaj, Darmian, i saporikthyer nga një dëmtim, u detyrua të zëvendësohej pas 14 minutash lojë, pas një perplasjeje me një lojtar kundërshtar.

Edhe pse 3 pikët ishin vendimtare për të dy klubet, as United e as Norwich nuk ishin në ditën e tyre më të mirë. Për Norwich humbja e sotme do të thotë se ata qëndrojnë në vend të parafundit duke shpresuar që Newcastle dhe Sunderland të humbin pikë, ndërsa United do të duhet të shpresojë që komshinjtë të mos fitojnë nesër në Etihad kundër Arsenalit.