Me anti-futboll në fund, Japonia shkon tutje

Japonia është kualifikuar si e dyta nga Grupi H për shkak të rregullës fair-play në të tetën e finales.

Edhe pse japonezët u mposhtën nga Polonia sot [këtyre të fundit nuk i duhej fitorja fare, pasi qenë eliminuar më parë] humbja e Senegalit nga Kolumbia bëri që samurajët të shkojnë [për shkak të rregullës fair-play, më pak kartona sesa Senegali].

Sidoqoftë, përkundër se fituan me rregullën fair-play biletën për të tetën e finales, Japonia dhe Polonia në dhjetë minutat e fundit bën anti-futbollin, duke pasuar topin kot nëpër fushë dhe duke mos rrezikuar rezultatin që çonte Japoninë tutje.

ORARI dhe TABELA

Golin e vetëm dhe të fitores për Poloninë e shënoi mbrojtësi i Southamptonit, Jan Bednarek, pas gjuajtjes së lirë të Rafal Kurzawas.

Në fund, Kolumbia del e para nga grupi, Japonia si e dyta, ndërsa Senegali me Poloninë shkuan në shtëpi.