Këtu mund ta ndiqni direkt Europa-Prishtina

Pas udhëtimit 21 orësh të Prishtinës dhe arritjes së ekipit në Gjibraltar dje, bardhekaltërit sot zbresin në terren për të zhvilluar ndeshjen e tyre kualifikuese të raundit preliminar të Europa Ligës.

Europa, nikoqire nga Gjibraltari pret Prishtinën sot në përballjen që nis prej orës 18:00 me kohën tonë lokale. Nën urdhërat e Mirel Josës, Prishtina ka zhvilluar seancat stërvitore-përgatitore për ndeshjen e parë, para duelit të kthimit që do të zhvillohet në Kosovë.

Ndeshjen Europa - Prishtina mund ta ndiqni në linkun e mëposhtëm, ndërsa bardhekaltërit kanë bërë të ditur se Josa ka 21 lojtarë në dispozicion për këtë përballje, që do të referohet nga katërshja e arbitrave portugezë dhe do të ketë delegat nga Finlanda.

Kjo është hera e dytë radhazi që Prishtina merr pjesë në garat evropiane, duke u bërë klubi i vetëm kosovar që merr pjesë në dy vitet e pranimit, dy herë.

LINKU PËR NDESHJE, KËTU