Me fanella kundër racizmit

Lojtarët e Milanit sot para ndeshjes me Sienan kanë dalë të stërviten para ndeshjes me fanellat që mbajnë slloganin: Milan kundër racizmit. 

Ky akt i rossonerëve vjen pas incidentit që ndodhi ditë më parë kur lojtari i tyre Kevin Prince Boateng u fye nga tifozë të Pro Patrias në ndeshje miqësore. 

Kjo ndeshje u ndërpre nga gjyqtari për të mos u vazhduar kurrë, derisa Boateng dhe bashkëlojtarët e tij kishin lënë fushën e lojës në shenjë proteste. 

Boateng ka mbledhë shumë adhurues dhe përkrahje bashkë me klubin kuqezi nga Milano, për shkak të këtij akti.