Me Januzajn, Manchesteri frymon

Kampioni i Anglisë, Manchester United, ka arritur të kthejë rezultatin dhe të dalë fitues në ndeshjen ndaj Stoke Cityt sot. Stoke ka filluar ndeshjen duke i heshtur tifozët në Old Trafford me golin e Peter Crouch.

Përkundër se Robin Van Persie ka barazuar në pjesë të parë, Stoke City ka pasur fuqinë që të përmbyll këtë pjesë me fitore me anë të golit të Marko Arnautovicit. 

Por David Moyes ka reaguar në pjesën e dytë duke e futur në lojë kosovarin Adnan Januzaj dhe Javier Hernandez që kanë ndërruar lojën dhe në fund me anë të golave të Wayne Rooney dhe meksikanit Hernandez, djajt e kuq kanë arritur të mposhtin Stoke Cityn shumë të mirë sot. 

Kjo ka qenë fitorja e katërt në Premier League e Manchester Unitedit nën udhëheqjen e David Moyesit, derisa paraqitja e Adnan Januzajt ka impresionuar përsëri.