Me lojën tonë fitojmë titullin

Gjermani Mesut Ozil vazhdon të asistojë për bashkëlojtarët e tij, ndërsa sonte ka bërë dy të tilla për golat e fitores së ekipit. 

Sidoqoftë, modestia e tij është vënë në pah edhe pas ndeshjes kur ka qenë i thjesht në deklaratë, ndërsa ka parashikuar titullin, vetëm nëse bashkëlojtarët e tij vazhdojnë kështu. 

“Kemi pasur shumë ndeshje të zhvilluara së fundi, ndeshje të vështira, por jemi të lumtur, i gjithë ekipi është i lumtur dhe unë gjithashtu,” ka thënë fillimisht ai pas ndeshjes. 

“Provoj të jap më të mirën në lojë, ndërsa kjo e sontme ka qenë tepër e rëndësishme. Ne besojmë te vetja. Ne i dimë cilësitë tona dhe nëse vazhdojmë të luajmë lojën tonë, do të fitojmë titullin kampion,” ka thënë Ozil 27 vjeç, që është lider i asistimeve në Premier League me 15 sosh deri më sot. 

Ozil është shpallë lojtari i ndeshjes në fitoren e Arsenalit 2-1 ndaj Manchester Cityt.