Me padurim pritet 3 janari

Skudra e Milanit që nuk është në gjendje më të mirë në Serie A dhe rrezikoi kualifikimin në të tetën e finales së Ligës së Kampionëve deri në ndeshjen e fundit, memzi pret ardhjen e 3 janarit. 

Kjo sepse atë ditë dy transferet e reja të rossonerëve, Keisuke Honda dhe Adil Rami, do të zyrtarizohen si lojtarë të Milanit dhe do të kenë të drejtë të paraqiten për kuqezinjtë nga qyteti i modës. 

Mesfushori Keisuke Honda ka nënshkruar kontratë katër vjeçare me Milanin, deri në vitin 2018, derisa qendërmbrojtësi Rami do të luajë si huazim për gjashtë muajt e ardhshëm. Ai është lojtar i Valencias.