PSV
Kriza vazhdon
13 December, 2013 @11:46
PSV Eindhoven, njëri ndër ekipet më të njohura dhe më të trofeshme holandeze është duke kaluar kohën ndër më të këqijat në histori.
Ata përveç që janë në vendin e dhjetë të Eredivisies holandeze aktualisht, mbrëmë janë eliminuar edhe nga Europa League nga ekipi ukrainas Chernomorets Odessa, ku luajnë shqiptarët Elis Bakaj dhe Kristi Vangjeli.
Për më tepër, e dhimbshme ka qenë humbja nga ukrainasit pasi që kjo ka ndodhur në stadiumin e ekipit holandez, Philips.
Ekipi i trajnerit Philip Cocu do të tentojë tani që të shfrytëzojë mirë afatin kalimtar të janarit për një këndellje.
PSV nuk ka arritur të dalë nga Grupi B, ku vendin e parë e ka zënë kampioni bullgar, Ludogorets, vendin e dytë ukrainasit e Chernomorets (që kanë hyrë këtu në saje të eliminimit të kampionit shqiptar, Skënderbeu). PSV përfundoi në vendin e tretë, para Dinamos së Zagrebit ku luan Fatos Beqiraj.
