Messi synon Copa American

Sonte fillon Copa America 2015 që organizohet në Kili të Amerikës Jugore. Argjentina që pret shumë nga Lionel Messi, tenton të fitojë këtë trofe, ashtu që të tregojë fuqinë në Kontinentin e vetë, pas dëshimit në Kampionatin Botëror, Brazili 2014, ku u mposhtën në finale nga Gjermania. 

E Messi duke folur për mediat argjentinase para nisjes së Copa Americas ka thënë se titulli i më të mirit në Kontinent do të ishte si një ngushëllim për finalen e humbur në Botëror. 

Argjentina bën pjesë në Grupin B të Kili 2015, ndërsa në grup ka edhe Uruguajin, Paraguajin dhe Xhamajkën. Të shtunën në mbrëmje Argjentina luan ndeshjen e parë të Copas ndaj Paraguajit në La Serena të Kilit. 

Argjentina për herë të fundit e ka fituar titullin jugamerikan në vitin e largët 1993.