KAKA
Milan, ndiqe Juventusin
10 April, 2015 @15:10
Leite Kaka, braziliani që një kohë ishte yll i Milanit, ka porositur ish ekipin e tij që tash është në krizë, të ndjek shembullin e rivalit, Juventus.
“Jam optimist. Dy ose tre vite vuajtje dhe pastaj do të kthehen. Duhet të ndjekim shembullin e Juventusit,” është cituar të ketë thënë braziliani që tash është pjesë e MLS në SHBA, nga Gazzetta dello Sport.
Milan është afër që të mos sheh Europën për stinorin e dytë me radhë, me krizën e rezultateve që po kalon.
Juventus, në anën tjetër, pas dënimit të Calciopolit është rikthyer në elitë dhe tash po kërkon titullin e katërt me radhë në Serie A.
